Summarfestival-fyriskipari: "Vit harmast um keðiligu upplivingarnar"

Fleiri fólk hava á sosialu miðlunum sagt frá keðiligum hendingum við vaktarfólkum á Summarfestivalinum, ið hava verið harðlig.

Í einum føri er viðferðin, ið fólk hava fingið, endað við, at ein vaktarmaður er meldaður til løgregluna fyri harðskap.

>>Sí eisini: Vaktarmaður á Summarfestivalinum meldaður fyri harðskap

Fyriskipararnir av Summarfestivalinum eru varugir við hendingarnar. 

"Vit harmast um, at fólk hava havt keðiligar upplivingar í sambandi við vaktarhaldið á Summarfestivalinum. Vit eru í holt við at eftirmeta festivalin, harundir eisini vaktarhaldið," sigur Erik Biskupstø, fyriskipari. 

Erik Biskupstø ger eisini vart við, at fyriskipararnir eisini hava fingið óalmindiliga nógvar góðar afturmeldingar frá fólki, ið hava havt ein sera góðan festival.