- Tíðindi, mentan og ítróttur
Ukraina vil sleppa at brúka vesturlendsk vápn inni í Russlandi
![](https://kvf.fo/sites/default/files/styles/grein-ovasta-mynd/public/ukraina_russland.jpg?itok=XtdY8A7v)
Ukraina vil sleppa at halda leiðina longur inn í Russland.
Landið hevur nú valdið á 1250 ferkilometrum og 92 bygdum í russiska Kursk-landspartinum, sum er á markinum millum Ukraina og Russland.
Ukrainski forsetin Volodymyr Zelenskyj hevur biðið vesturheimin um loyvi til at brúka vápn, sum vesturheimuin hevur latið Ukraina, at leypa á langt inni í russiskum landøki.
Zelenskyj vísir á, at tey sameindu fyrr hava biðið seg um ikki at leypa á mál inni í Russlandi.
Var hetta ikki galdandi, hevði ikki verið neyðugt at farið inn í russiskt landøki við markið, sigur ukrainski forsetin.
Zelenskyj sigur, at vantandi loyvi at leypa á russisk mál við vesturlendskum vápnum, óbeinleiðis forða Ukraina at vinna á russiska herinum har eysturi í Ukraina, har stríðið í løtuni er um tveir strategiskt týdningamiklar býir, Pokrovsk og Toretsk.