Krevur harðari revsing fyri hassj

Ákæruvaldið fer í dag at royna at fáa Landsrættin at fella harðari dómar, enn Føroya rættur gjørdi í størsta rúsevnismáli, sum higartil hevur verið í Føroya rætti.

Tveir ungir føroyingar fingu hálvan apríl ávikavist tvey ár og sjey mánaðir og tvey ár og tríggjar mánaðir.

Ákæruvaldið kravdi trý ár og fer at krevja meira enn trý ár í Landsrættinum í dag.  

Ein triði maður, hann er úr Litava, var fríkendur fyri at hava smuglað og selt rúsevni. 

Men hann bleiv dømdur fyri harðskap, hóttanir eftir lívinum og frælsistøku av tí eina føroyinginum. 

Fyri tað fekk hann fýra mánaðir og var vístur av landinum. 

Ákæruvaldið hevur ikki appellerað frídømingina fyri hassjið.

Talan er um 50,5 kilo av hassji.  

Allir menninir noktaðu seg sekar, tá teir vóru í Føroya rætti.