Mute B. Egede: Næsta sendifólkið í Arktis verður úr Grønlandi

Grønland hevur nú vónir um, at arktiska sendifólkið hevur støði í grønlendska fólkinum og samfelagnum.  

Mute B. Egede, landsstýrisformaður, tulkar tað, sum Mette Frederiksen, forsætisráðharri, segði á tíðindafundinum eftir ríkisfundin í gjár, sum at næsta sendifólkið verður úr Grønlandi.

Fimm arktisk sendifólk hava verið síðani 2012, øll donsk.

Mette Frederiksen sigur, at Danmark vil ganga ynskinum hjá Grønlandi á møti. 

Lars Løkke Rasmussen, 16:9

Lars Løkke Rasmussen, uttanríkisráðharri. (Mynd: Bjarni Árting Rubeksen)

Løkke sigur nei

Lars Løkke Rasmussen, uttanríkisráðharri, hevur fyrr víst grønlendska ynskinum staðiliga aftur. 

Arktiska sendifólkið er partur av donsku uttanríkistænastuni. Tjóðskapur er ikki avgerandi fyri, hvør fær starv har, sigur Lars Løkke Rasmussen.

Sendifólkið samskipar uttanríkispolitikkin hjá ríkinum millum Danmark, Grønland og Føroyar, og sambandið hjá ríkinum við USA og Kanada.

Rokið um arktiska sendifólkið byrjaði fyri einum ári síðani, tá sendiharrin í Suðurafrika, Tobias Elling Rehfel, bleiv arktiskur sendimaður.

Hann skuldi byrja 1. september í fjør. Men er ikki byrjaður enn.