Betri banki 169 milliónir í avlopi

Betri banki hevði fyrra hálvár í ár eitt avlop upp á 169,1 millión krónur eftir skatt. Serliga eru tað øktu rentuinntøkurnar, ið geva góða úrslitið, sigur bankin.

Útlánini eru økt 379 milliónir krónur upp í tilsamans 8,1 eina milliard, og útlánini eru seinasta árið økt 451 milliónir upp í 9,6 milliardir krónur, og solvensurin er nú 34,7 prosent.

Bankin hevur lækkað kostnaðir og gjørt onkra tænastu ókeypis, umframt at lækka rentu á útlánum, men tí at rentan helst lækkar aftur, væntar leiðslan í Betri banka eitt lakari úrslit fyri seinna hálvár í ár.