Mugu virða barnarættindi

- Málsviðgerðar og myndugleikar eiga at gera eitt betri arbeiði enn tað, sum nú verður gjørt, tá tað ræður um mál, har børn eru íblandað.

Tað sigur Løgtingsins umboðsmaður, Hanna Vang, sum setur sjóneykuna á týdningin av Barnarættindasáttmálanum í føroyskari málsviðgerð.

- Skulu vit liva upp til Barnarættindasáttmálan hjá ST, sum kom í gildi í Føroyum í 1993, so krevur tað, at ongar avgerðir verða tiknar um ella viðvíkjandi børnum, uttan at tørvurin og sjónarmiðini hjá børnum eru væl lýst, sigur hon.

Í drúgvari grein á heimasíðuni www.lum.fo vísir umboðsmaðurin á týdningin av Barnarættindasáttmálanum í málsviðgerð, sum viðvíkir børnum.

Her kanst tú hoyra samrøðu við Hannu Vang:

2024-09-06-Hanna-Vang