- Tíðindi, mentan og ítróttur
Ein roynd at sleppa undan lukti
Ein roynd at sleppa undan lukti
Nýggjur skorsteinur er settur upp á Havsbrún, og reinsianlegg verður eisini gjørt
Nýggi skorsteinurin á Havsbrún er 75 metrar høgur.
09.09.2024 - 11:47
Havsbrún í Fuglafirði hevur júst sett upp ein nýggjan 75 metrar høgan skorstein. Tað er ein liður í ætlanini at sleppa av við luktin frá fiskamjøls- og fóðurverksmiðjuni.
Nýggi skorsteinurin er nógv hægri enn undanfarnu skorsteinar. Tann hægsti av teimum er 47 metrar; tað vil siga, at nýggi skorsteinurin er 28 metrar hægri enn tann nú næsthægsti skorsteinurin.
Eitt reinsianlegg verður eisini gjørt.
Odd Eliasen. (Mynd: Bjarni Árting Rubeksen)
- Tað fara at ganga tveir mánaðir, áðrenn skipanin fer at virka, og fólk fara at merkja mun á, sigur Odd Eliasen, stjóri á Havsbrún.
Í fyrsta umfari er reinsiskipanin bara knýtt at fóðurdeildini, men seinni er møguleiki at knýta mjøldeildina uppí.
Tað kostar Havsbrún millum 40 og 50 milliónir krónur at gera reinsiskipanina og nýggja skorsteinin.
Við útvarpið 8. mai í 2022 segði Odd Eliasen soleiðis:
09092024_Havsbrun
Er kopiera
Nýggjastu sendingar í ÚV
Nýggjastu sendingar í SV
