Ísland: Makrelurin sveik

Ísland: Makrelurin sveik
Hóast ein fjórðingur enn er eftir av íslendsku makrelkvotuni, eru íslendsku uppsjóvarskipini nú farin á sild
Hóast ein fjórðingur er eftir av íslendsku makrelkvotuni, eru íslendingar nú mestsum givnir við makrelveiðini fyri í ár
Mynd: Savnsmynd  
 
10.09.2024 - 18:25

Íslendsku skipini eru nú mestsum givin at leita eftir makreli og eru í staðin farin á sild.

Tað skrivar íslendska kringvarpið RÚV.

Íslendski fiskiskapurin eftir makreli hevur verið vánaligur í ár - so vánaligur, at ein fjórðingur, ella 30.000 tons, av íslendsku makrelkvotuni uppá tilsamans 120.000 tons enn ikki er fiskaður.

Siggeir Stefánsson, framleiðslustjóri hjá Ísfelagin í Tórshøfn, sigur við RÚV, at tað er álvarsligt, at makrelfiskiskapurin hevur verið so vánaligur, og at kvotan ikki verður fiskað upp, og at tað sjálvandi hevur stóra fíggjarliga ávirkan fyri reiðaríini, kommunurnar og tey, sum starvast í vinnuni.

Hann sigur, at makrelfiskiskapurin ikki er heilt av enn, men at uppsjóvarskipini nú venda sær meira móti sildini, og at tað hevur alstóran týdning, at sildafiskiskapurin fer at roynast væl, nú makrelurin sveik.

Higartil sær út til, at sildafiskiskapurin fer at hilnast betur, men sum søluvøra er hon ikki eins góð og makrelurin.

"Sildin er ein góð umsetilig vøra, men er ikki ein so global vøra sum makrelurin, og tí er marknaðurin fyri sild meira avmarkaður," sigur Siggeir Stefánsson við RÚV.

Er kopiera
Nýggjastu sendingar í ÚV
Mánadag 21. apríl
Guðstænasta í Havnar kirkju.
190898
Mánadag 21. apríl
Credo: "Bert ein dag..." 2:2
190874
Sunnudag 20. apríl
Bolero - 20. apríl 2025
190884
Sunnudag 20. apríl
Credo: "Bert ein dag..." 1:2
190873
Nýggjastu sendingar í SV
Mánadag 21. apríl
Guðstænasta úr Havnar kirkju
190896
Mánadag 21. apríl
Anna FD 564
190890
Mánadag 21. apríl
Andakt
190889
Sunnudag 20. apríl
Guðstænasta úr Glyvra kirkju
190878
Fríggjadag 18. apríl
Knútsfagnaður
190859