Tórshavnar kommuna væntar 1,4 milliardir í inntøku næsta ár

Skattaprosentið í Tórshavnar kommunu og barnafrádrátturin í 2025 vera tey somu sum í ár. 

Skattaprosentið er 19 prosent og barnafrádrátturin 9.000 krónur. 

Uppskot um fíggjarætlan fyri 2025 var lagt fram á býráðasfundi í gjár.

Inntøkurnar eru mettar at vera ein milliard og 418 mió, kr. næsta ár, 7,7 prosent størri enn í ár.

Tá Tórshavnar havn er tald við, fer raksturin at kosta eina milliard og 75 milliónir, 7,5 prosent meira enn í ár.

241 milliónir krónur eru settar av til íløgur næsta ár.