- Tíðindi, mentan og ítróttur
Standmyndin av Andreu Árting avdúkað
Nógv fólk vóru komin saman í miðbýnum í Havn í dag, tá standmyndin av Andreu Árting varð avdúkað í Steinatúni.
Tað er Edvard Fuglø, listamaður, sum hevur evnað standmyndina til. Talan er um eina skuggamynd, sum tó er serstakliga eyðkend.
Andrea Árting var í allar mátar ein sermerkt kvinna, sum fekk nógv á skaftið. Hon gjørdist millum annað forkvinna í Havnar Arbeiðskvinnufelag í 1937, sum var árið eftir at felagið varð stovnað.
Hon gekk á odda í kvinnustríðnum og aðalendamálið var at fáa somu løn fyri sama arbeiði. Hesum stríddist hon fyri øll 40 árini hon sat sum forkvinna og hon kom á mál við samráðingunum um líkaløn í 1977, beint áðrenn hon legði frá sær.