- Tíðindi, mentan og ítróttur
Trump stillar ikki upp aftur, um hann tapir hesa ferð
Trump stillar ikki upp aftur, um hann tapir hesa ferð
Í ár stillar hann fyri triðju ferð upp sum forsetavalevni fyri republikanska flokkin
Donald Trump ætlar ikki at stilla upp aftur um fýra ár, tapir hann forsetavalið 5. november.
Mynd: Ritzau Scanpix
23.09.2024 - 09:24
Forsetavalevnið hjá republikanarunum í USA, Donald Trump, sigur, at hann stillar ikki upp aftur í 2028, um hann tapir valið í ár.
Tíðindamiðilin Full Measure spurdi Trump, um hann stillar upp aftur, um hann tapir í ár.
Trump svarar: - Nei, tað haldi eg ikki. Tað dugi eg ikki at ímynda mær yvirhøvur.
Vann á Clinton
Trump stillaði fyrstu ferð upp til forsetaval í 2016, tá ið hann vann á Hillary Clinton. Hann stillaði upp aftur í 2020, men tapti tá fyri Joe Biden.
Í ár stillar hann fyri triðju ferð upp sum forsetavalevni fyri republikanska flokkin, nú móti Kamalu Harris.
Valið verður týsdagin 5. november.
Trump er 78 ára gamal og verður sostatt 82 ára gamal á forsetavalinum í 2028.
Er kopiera
Nýggjastu sendingar í ÚV
Nýggjastu sendingar í SV
