169 fólk í Føroyum eru ábær

169 fólk eru á nýggjasta listanum við politiskt ábærum fólkum í Føroyum.

Hann er á heimasíðuni hjá Fíggjareftirlitinum, sum hevur dagligu umsitingina. 

Á listanum eru millum annað løgtingsfólk, landsstýrisfólk, sendifólk, aðalstjórar, floksnevndir, almennir stjórar og nevndir í nøkrum almennum partafeløgum, kringvarpsstjórin og kringvarpsstýrið.

1. november 2021 kom danska kunngerðin um politiskt ábær fólk í gildi í Føroyum.

Kunngerðin byggir á lógina um hvítvask, sum kom í 2020.

Tann kunngerðin loyvir peningastovnum at hava ein lista við viðskiftafólkum, sum eru mett at vera politiskt ábær, ein PEP-lista. Hann kom í Danmark í 2019.

Tey eru so á einum lista, sum Fíggjareftirlitið almannakunnger. 

Og sum peningastovnarnir so kunnu brúka.

Okkurt um 120 fólk vóru á føroyska PEP-listanum hjá Fíggjareftirlitinum í fjør.