Vilja hava Grønland aftur í Norðurlandaráðið

Grønland skal vera við í norðurlendska samstarvinum, eisini á hægsta politiska stigi.

Tað heldur forsetin í Norðurlandaráðnum, Bryndís Haraldsdóttir, sum er í Nuuk í hesum døgum.

Við í ferðalagnum til Nuuk eru Oddný G. Harðardóttir, varaforseti í Norðurlandaráðnum, og Kristina Háfoss, stjóri.

Svøríki sendi ikki Grønlandi, Álandi og Føroyum fundarboð, tá norðurlendsku ríkisleiðararnir høvdu fund í Stokkhólmi í mai.

Svenski forsætisráðharrin tók ta avgerðina, ikki Norðurlandaráðið.

Mute B. Egede

Mute B. Egede, landsstýrisformaður í Grønlandi, á røðarapallinum í Norðurlandaráðnum..

Gav ilt av sær

Mute B. Egede, landsstýrisformaður í Grønlandi, gav tá ilt av sær, og segði, at hann er ikki við longur í norðurlendskum samstarvi.

- Eg hevði viljað, at svenski forsætisráðharrin sendi øllum átta Norðurlondum fundarboð, sigur Bryndís Haraldsdóttir við KNR.

Bryn­dís Har­alds­dótt­ir var í Føroyum á ólavsøku.

Tá segði hon, at bæði Føroyar og Grønland eiga at vera í Norðurlandaráðnum.

Kristina Háfoss, Norðurlandaráðið, norðurlandaráðsfundur í Føroyum, mynd: Bjarni

Frítekst tagging: 

Kristina Háfoss

Norðurlandaráðið

norðurlandaráðsfundur í Føroyum

mynd: Bjarni

Bjarni Árting Rubeksen

Kristina Háfoss er stjóri í Norðurlandaráðnum. Henda myndin er tikin fyrri í ár, tá Norðurlandaráðið hevði evnisfund í Føroyum. (Mynd: Bjarni Árting Rubeksen)

Uppskot á veg

Fyri at Føroyar, Grønland og Áland skulu gerast sjálvstøðugir limir í Norðurlandaráðnum skal Helsingforsavtalan, grundlógin hjá Norðurlandaráðnum, broytast.

Uppskot um at broyta avtaluna er á veg. 

Tað skal viðgerast á ársfundinum hjá Norðurlandaráðnum í Reykjavík í oktober.

Um uppskotið verður samtykt har, verður tað sent Norðurlendska ráðharraráðnum, sum hevur endaligu avgerðina.