Beinir Johannesen fingið rættleiðing frá Umhvørvismálaráðnum

Beinir Johannesen hevur fingið eina rættleiðing frá Umhvørvismálaráðnum í sambandi við svarið, sum Ingilín D. Strøm, landstýriskvinna, gav honum uppá fyrispurning um fíggjarligu avleiðingarnar av at stytta arbeiðsvikuna. 

Í tíðundunum í gjár segði Durita Tausen, varastjóri á Gjaldstovuni, at hon ikki kendi seg aftur í svarinum hjá landstýriskvinnuni. 

Ongin meting gjørd

Gjaldstovan hevur syrgt fyri at gera eina útrokning til ein arbeiðsbólk undir serligum fortreytum. Men gjaldstovan er altso ikki komin við eini meting.

Sambært Duritu Tausen, hevði verið ynskiligt at fingið møguleika at viðmerkja svarið, so eitt rættari svar bleiv útvegað.

Síðani svarið bleiv almannakunngjørt, hevur Beinir Johannesen fingið eina rættleiðing frá Umhvørvismálaráðnum í sambandi við svarið.

- Út frá tí svari, sum eg havi fingið, og eisini tær óvissur, sum tað vísir eru tengdar at hesum, so er málið als ikki klárt til støðutakan, sigur Beinir Johannesen.

Hoyrið innslagið her:

Í innslagnum verður sagt, at Ingilín D. Strøm fekk møguleikan at koma við eini viðmerking, men valdi ikki at viðmerkja málið.

Heldur skuldi verið sagt, at vit royndu at fáa orðið á Ingilín D. Strøm, men hetta eydnaðist okkum ikki.