- Tað skal loysa seg at vera grønmetisbóndi í Føroyum

Eplafestivalurin á Sandi er í dag skotin í gongd fyri fyrstu ferð í fimm ár.

Tað var vegna koronafarsóttini, at festivalurin steðgaði í eitt tíðarskeið. Men nú er gongd aftur komin í, og festivalurin ætlar sær ikki lítið í ár. 

- Tað skal loysa seg at vera grønmetisbóndi í Føroyum.

Tað sigur Michael Anthony Charles, sum er ein av stigtakarunum til ársins eplafestival. 

Føroysk grønmetisframleiðsla

Tað eru bóndir og staðbundið grønmeti, sum í dag verður hátíðarhildið á Eplafestivalinum.

Og sambært Michael Anthony Charles haltar tað við føroyskari framleiðslu av grønmeti. 

- Ynskiligt er at síggja meira føroyskt grønmeti í handlunum í Føroyum, sigur hann í innslagnum. 

Tí er tað grønmetisframleiðsla í Føroyum, sum í ár er høvuðsevnið á Eplafestivalinum.

Skráin er fjølbroytt

Eplafestivalurin bleiv skotin í gongd við einum pallborðsfundi fyrrapartin við heitinum 'Skulu vit hava vinnuliga grønmetisframleiðslu í Føroyum?'.

Restina av degnum verður eplasekkjarenning, neytalortakapping, konsert og dansur seinni. 

Tað eru lokalar, sjálvbodnar kreftir, sum standa fyri tiltøkunum á Eplafestivalinum, sigur Michael Anthony Charles.

Hoyrið innslag um Eplafestivalin her: