- Tíðindi, mentan og ítróttur
Smyril skal hava síðuskrúvur fyri at minka ristingar
Smyril skal hava síðuskrúvur fyri at minka ristingar
Veitingartíðin er drúgv, so síðuskrúvurnar mugu bíleggjast nú, so tær eru klárar, tá Smyril fer í dokk næsta ár
Harðar ristingar eru har afturi á Smyrli, serliga tá lagt verður at og farið frá, og tær skaða skrokkin.
30.09.2024 - 11:08
Landsstýrið hevur biðið løgtingið um sjey milliónir krónur til tvær síðuskrúvur til Smyril.
Smyril skal í dokk næsta ár til 20 ára klassingar.
Tá er samstundis neyðugt at gera umvælingar og betringar fyri at leingja livitíðina hjá skipinum, siga Strandfaraskip landsins.
Ristingar
Harðar ristingar eru har afturi á skipinum, serliga tá lagt verður at og farið frá. Ristingarnar skaða skrokkin, og rivur koma í.
Tí er neyðugt at seta síðuskrúvur í har afturi á skipinum.
Tær gera ristingarnar nógv minni.
Veitingartíðin er drúgv, so síðuskrúvurnar mugu bíleggjast nú, so tær eru klárar, tá Smyril fer í dokk.
Er kopiera
Nýggjastu sendingar í ÚV
Nýggjastu sendingar í SV
