- Tíðindi, mentan og ítróttur
Stytt arbeiðsvika: Fakfelagsformaður sóknast eftir fundarboðum
Stytt arbeiðsvika: Fakfelagsformaður sóknast eftir fundarboðum
Súni Selfoss, formaður í Starvsfelagnum, væntar kortini, at arbeiðsvikan verður stytt, og at tað verður í hesum samgonguskeiðnum
Súni Selfoss, formaður í Starvsfelagnum.
02.10.2024 - 13:40
Súni Selfoss, formaður í Starvsfelagnum, sóknast eftir fundarboðum til trípartasamráðið, sum skal koma við einum tilmæli, hvussu arbeiðsvikan verður stytt niður í 37 tímar.
Landsstýriskvinnan í arbeiðsmarknaðarmálum, Ingilín Didriksen Strøm, setti í fjør vár eitt trípartasamráð við umboðum frá arbeiðsgevarum, arbeiðstakarum og politisku skipanini at umrøða málið og hvussu farast skal fram í samband við stytta arbeiðsviku.
Ingilín D. Strøm, landsstýriskvinna. (Mynd: Bjarni Árting Rubeksen)
Men lítið fundarvirksemi hevur verið í hesum ráðnum seinastu tíðina, sigur Súni Selfoss, hóast landsstýriskvinnan í svari til Beinir Johannesen, løgtingsmann, sigur, at landsstýrið seinni í heyst fer at leggja eitt uppskot um 37 tímar arbeiðsviku fyri løgtingið.
Formaðurin í Starvsfelagnum væntar framvegis, at arbeiðsvikan verður stytt, og at tað verður í hesum samgonguskeiðnum.
Hoyr innslag í útvarpstíðindunum:
02102024_Stytt_arbeidsvika
Er kopiera
Nýggjastu sendingar í ÚV
Nýggjastu sendingar í SV
