ES leggur revsitoll á elbilar úr Kina

Londini í ES hava samtykt at leggja revsitoll á elbilar úr Kina næstu fimm árini.

Atkvøtt var um uppskotið í gjár, sigur ein ES-diplomatur.

Talan er um uppskot frá ES-nevndini um at leggja upp í 36 prosent í revsitolli oman á dagsins toll, sum er 10 prosent fyri elbilar, ið eru framleiddir í Kina.

Orsøkin til uppskotið er, at nevndin heldur seg kunna prógva, at kinesisku bilframleiðararnir fáa ólógligan stuðul frá kinesiska statinum. Tí kann Kina senda bíligar elbilar til Evropa og vinna á evropiskum bilframleiðarum í prísi.

Týskland er eitt av fleiri londum, sum hava funnist at uppskotinum, og vil strika tollin, sum kom í gildi í summar, av ótta fyri handilskríggi við Kina.

Revsitollurin kemur í gildi 1. november.