Nýggjur leiðari í City Tórshavn

Siri Súsonnudóttir Hansen verður nýggjur leiðari í City Tórshavn.

Hon tekur við sum leiðari 1. november eftir Súsonnu Sondum, sum hevur røkt starvið í útivið 20 ár.

City Tórshavn er partur av Visit Tórshavn og røkir handilsliga partin, sum t.d. Mentanarnáttina, handilsvinnuna, Havnarkortið, Matstovudagar og annað.

Siri Súsonnudóttir Hansen hevur arbeitt sum marknaðarleiðari og samskipari hjá SMS-samtakinum, og hevur verið ábyrgdarblaðstjóri á blaðnum Kvinnu.