Svenskir ríkisborgarar skuldsettir fyri yvirgang í Danmark

Teir báðir svensku ríkisborgararnir, sum vórðu skuldsettir fyri spreingingarnar í Hellerup í Danmark tætt við ísraelsku sendistovuna fyrr í vikuni, eru nú skuldsettir fyri yvirgang.

Tað skrivar politiið í Keypmannahavn á miðlinum, X.

Politiið sigur eisini, at kanningararbeiðið verður gjørt í tøttum samstarvi við donsku fregnartænastuna, PET.

Tað var mikudagin í hesi vikuni, at tvær hondgranatir sprongdust tætt við ísraelsku sendistovuna í Hellerup.

Fyrr í vikuni segði danska løgreglan, at tað var ikki var greitt, um sendistovan var málið fyri spreingingarnar.

Svensku ríkisborgararnir, sum báðir eru menn, vórðu handtiknir á einum tokið við høvuðsjarnbreytarstøðina í Keypmannahavn mikudagin.

Sambært politinum vóru menninir áveg til Týsklands.

Menninir, sum eru ávikavist 16 og 19 ár, eru skuldsettir fyri at hava fimm hondgranatir í varðveitslu og fyri at hava flyta tvær av teimum nærindis ísraelsku sendistovuna.

Sambært danska kringvarpinum, nokta menninir seg sekan, men eru í løtuni varðhaldsfongslaðir.