Niðurlendskt reiðarí eigur aftur í føroysku fiskivinnuni

Niðurlendska reiðarríið Jaczon Trawler er komið aftur í føroysku fiskivinnuna.

Skrásetingin hevur fingið fráboðan um, at smápartafelagið Gamli Jupiter er stovnað.

Tað hevur heimstað í Hósvík.

Jaczon Trawler hevur stovnað felagið. 

Gunnbjørn Joensen stjóri

Arnout Langerak í Haag er nevndarformaður, og Gunnbjørn Joensen í Hósvík er stjóri. Aðrir nevndarlimir eru ikki nevndir í fráboðanini til Skrásetingina. 

Partapeningurin er 50.000 kr.

Endamál felagsins er at eiga Gamla Jupiter, skiparakstur, handil og annað starv í hesum sambandi

Sambært Teyggjuni eigur Framherji í Fuglafirði Gamla Jupiter, sum einki fiskiloyvi hevur.

Gamli Jupiter er bygdur í Noregi í 1994. Hann kom til Føroya á sumri 2007.