Tríggjar danskar lógir í Føroyum skulu broytast

Danska stjórnin ætlar at koma við einari nýggjari lóg og broyta tríggjar danskar lógir, sum eru galdandi í Føroyum.

Tað stendur í løglistanum hjá stjórnini fyri hetta fólkatingsárið.

Nýggja lógin er um upplýsingar, tá pengar vera fluttir millum lond.

Reglurnar hjá Evropatinginum frá 2023 um slíkar pengaflytingar skulu eisini vera galdandi í Føroyum, ætlar stjórnin.

Lógin skal eisini tryggja, at pengaflytingar millum Føroyar og Danmark ikki vera forðaðar, tí Føroyar ikki hava eina skipan sum í Danmark, sum stýrir slíkum flytingum.

So er lógaruppskotið um, at Føroyar yvirtaka Íleggingargrunnin. 

Kreditt- og íløgufeløg og útlendingalógin

Lógin um krøv um eftirlit við kredittfeløgum og íløgufeløgum skal broytast, tí ES-reglurnar um krøv um kapital skulu setast í gildi í Føroyum.

Endamálið er at styrkja fíggjarligt støðufesti í Føroyum og tryggja samhandilin í ríkisfelagsskapinum. 

Og útlendingalógin skal broytast, so Føroyar og Grønland millum annað sleppa at skriva út langtíðarinnfararloyvi og taka samsýning fyri at skriva uppihalds- og arbeiðsloyvi.  

Tvær frágreiðingar eru eisini í løglistanum.

Forsætismálaráðharrin kemur við frágreiðing um støðuna í ríkisfelagsskapinum, og uttanrikismálaráðharrin hevur frágreiðing um Arktis.