Føroyar triðjstørst BTÚ

Føroyar hava triðjhægstu bruttotjóðarúrtøku av Norðurlondunum.  

Føroyska BTÚ var 496.000 krónur fyri hvønn íbúgva í 2023, vísa tøl frá Hagstovuni. 

Í Finnlandi er BTÚ 367.000 krónur, Í Svøríki 382.000 krónur og í Danmark 472.000 krónur. 

Ísland og Noreg hava hinvegin størri BTÚ fyri hvønn íbúgva. Noreg hevur størst BTÚ av Norðurlondunum, tað er 606.000 krónur fyri hvønn íbúgva. Í Íslandi er BTÚ 569.000 krónur.