Á Breddanum: Kæran um Ingilín D. Strøm

Í dag verður politiska lagnan hjá Ingilín D. Strøm, landsstýriskvinnu, møguliga avgjørd.

Landsstýrismálanevndin viðger málið aftur í morgun, og ætlanin er at koma til eina niðurstøðu í dag.

Landsstýrismálanevndin kom við eini fyribils niðurstøðu. Landsstýriskvinnan bað um longda freist at svara, og tað fekk hon.

Ingilín D. Strøm, samgongufundur

Ingilín D. Strøm, landsstýriskvinna. (Mynd: Bjarni Árting Rubeksen)

Á 36 síðum greiðir Ingilí Didriksen Strøm frá, hví niðurstøðan hjá landsstýrismálanevndini er skeiv.

Spurningurin er, um landstýrismálanevndin er samd við hana.

Í Breddanum í dag viðgera vit, hvat málið snýr seg um. Eisini fara vit at fregnast um niðurstøðuna og um eitt møguligt politiskt eftirspæl.

Beinta Løwe og Árni Gregersen, politiskir viðmerkjarar, vera í útvarpsstovuni.

Breddin í úitvarpinum klokkan 10 og á kvf.fo.