Nú fáa tey føroyskt hár

Kinesiska hárið er grovt og slætt, meðan tað indiska er fínari men sera purlut og myrkt, og bæði hesi sløg av hári skulu viðgerast evnafrøðiliga, áðrenn tey kunnu nýtast til parúkkar her heima í Føroyum.

Tí er Fríðgerð Joensen, sum eigur og rekur Salong Fríðgerð, sera glað, nú hon hevur fingið møguleika at fáa framleitt parúkkar úr føroyskum hári, sum hon sjálv sendir avstað til Kina at vera knýtt.

 - Tað er nakað heilt annað, sum eg kann bjóða mínum viðskiftafólkum nú, sigur hon.

Hárið til parúkkarnar fær hon bæði frá egnum viðskiftafólkum og frá øðrum hárfríðkanarstovum.