VIKUKJAKIÐ: Spennandi val og týdningarmikil politisk mál fyri framman

Heyst og valfepur er í luftini, tí týsdagin er forsetaval í USA, næsta týsdag kommunuval í Føroyum, og í dag skal nýtt forfólk veljast til Tjóðveldi, eftir at Høgni Hoydal legði frá sær eftir 24 ár sum formaður.

Nógv annað hevur eisini verið á breddanum hesa vikuna - millum annað fundur í Norðurlandaráðnum í Reykjavík har Vlodomir Zelensky, forseti í Ukraina hevði røðu, og har Føroyar komu eitt stig nærri limaskapi í Norðurlandaráðnum.

Vikupanelið hesa vikuna er mannað við Hans Jákup Hermansen, Mirjam Johannesen og Óluvu Klettskarð, og tey kjakast um valini í USA og Tjóðveldi, um hví ónøgd er við eldraøkinum og hvat kann gerast, um hvørt røðan hjá Zelensky leggur eitt størri trýst á føroyingar um ikki at gera nýggja fiskiveiðuavtalu við Russland, og eisini umrøddi panelið, hví fleiri leita sær hjálp frá Frelsunarherinum.

Lurtið eftir vikukjakinum her