Løgmaður tilnevnir nýtt landsstýrisfólk seinnapartin

Klokkan tvey seinnapartin fer Aksel V. Johannesen, løgmaður, at tilnevna nýtt landsstýrisfólk.

Tað var hósdagin 24. oktober, at Ingilín D. Strøm legði frá sær sum landsstýriskvinna, tá tað var greitt, at meiriluti var í løgtinginum fyri einum uppskoti um misálit á landsstýriskvinnuna.

Dagin eftir, fríggjadagin 25. oktober, boðaði Høgni Hoydal frá, at hann legði frá sær sum formaður í Tjóðveldi. Og leygardagin í síðstu viku varð Sirið Stenberg vald til forkvinnu í Tjóðveldi.

Síðstu smáar tvær vikurnar hevur løgmaður sjálvur umsitið málsøkið, sum Ingilín D. Strøm varaði av sum landsstýriskvinna.

Súsanna Bertholdsen

Súsanna Bertholdsen. (Mynd: Bjarni Árting Rubeksen)

Margit Stórá, landsstýriskvinna

Frítekst tagging: 

Margit Stórá

Breddin

Bjarni Árting Rubeksen

Margit Stórá. (Mynd: Bjarni Árting Runbeksen)

Súsanna og Margit

Kringvarpið skilir, at løgmaður ætlar at nýta høvi at gera fleiri broytingar í landsstýrinum. 

Sum skilst verður Súsanna Bertholdsen nýtt landsstýrisfólk. Men hon kemur IKKI í tóma landsstýrissessin - men verður landsstýriskvinna í heilsumálum.

Súsanna Bertholdsen er í løtuni varafólk á tingi. Hon fekk 276 atkvøður á løgtingsvalinum í 2022 og er nummar 10 á listanum hjá Javnaðarflokkinum.

Margit Stórá, sum hevur higartil hevur verið landsstýriskvinna í heilsumálum, verður so í staðin landsstýriskvinna í umhvørvismálum.

Móttøka verður sum nevnt í Tinganesi klokkan 14.