Súsanna í Heilsumálaráðið og Margit í Umhvørvismálaráðið

Aksel V. Johannesen, løgmaður,  hevur tilnevnt Súsonnu Bertholdsen landsstýriskvinnu í heilsumálum og Margit Stórá landsstýriskvinnu í umhvørvismálum. 

Súsannna Bertholdsen er 51 ára gomul og av Tvøroyri. Hon hevur sitið á tingi fyri Javnaðarflokkin seinastu tvey árini sum varafólk.

Frammanundan var Súsanna Bertholdsen býráðslimur á Tvøroyri í seks ár.  Hon hevur í mong ár eisini undirvíst á Heilsuskúlanum á Skúladeplinum í Suðuroy. 

Hoyr samrøðubrot við Súsonnu Bertholdsen:

Úr Heilsumálaráðnum í Umhvørvismálaráðið

Margit Stóra var vald á løgtingsvalinum í 2022, og hevur síðani samgonga varð skipað verið landsstýriskvinna í heilsumálum.

Hon kom úr starvi sum varastjóri í Sjúkrahúsverkinum. 

Margit Stórá verður landsstýriskvinna í umhvørvismálum eftir Ingilín D. Strøm, sum legði frá sær herfyri, tá tað var greitt, at meiriluti var í løgtinginum fyri einum uppskoti um misálit á hana. 

Ingilín D. Strøm fer nú í løgtingið.

Av tí at Súsanna Bertholdsen verður landsstýriskvinna, heldur Kim Durhuus fram sum varamaður á tingi fyri Javnaðarflokkin. 

Myndir: Bjarni Árting Rubeksen

Súsanna Bertholdsen og Aksel V. Johannesen

Aksel V. Johannesen og Margit Stórá

Súsanna Bertholdsen og Henrik Old

Margit Stórá og Tormóður Stórá

Ingilín D. Strøm

Súsanna Bertholdsen

Súsanna Bertholdsen og klemm