Færri enn 25 hava valrætt á summum valstøðum

Helgi Abrahamsen, løgtingsmaður, hevur leingi gjørt vart við, at tey smáu valstøðini lúka í roynd og veru ikki treytirnar fyri eitt loyniligt val.

Svínoy er partur av Klaksvíkar kommunu, men hevur sítt egna valstað, og úrslitini frá Svínoy verða almannakunngjørd fyri seg.

Óli á Geilini, sum býr í Svínoy, heldur tó ikki, at tað er ein trupulleiki, at valstøðini eru smá.

Óli á Geilini vísir eisini á, at tað er umráðandi at fólk sleppa á val, har tey búgva.

Verða gloymd

Men Helgi Abrahamsem heldur ikki, at tað er neyðugt at avtaka tey smáu valstøðini, fyri at gera valið loyniligt.  

Jógvan Edmund á Geilini, sum eisini býr í Svínoy, heldur, at tað er vandi fyri, at tær smærru bygdirnar og oyggjarnar verða gloymdar, um teirra úrslit ikki standa fyri seg.