Fólkaflokkurin: Skulu hava fólk at velja Føroyar framum

Fólkaflokkurin hevur havt landsfund á Hotel Hafina í Havn í dag, og eitt av punktunum á skránni var formansfrágreiðingin hjá Beini Johannesen, floksformanni.

Tað eru góð tvey ár síðan Beinir Johannesen tók við sum floksformaður, og hetta er tí triðja formansfrágreiðingin hjá honum.

Í frágreiðingini í dag legði Beinir Johannesen stóran dent á, at politiska skipanin eigur at gera nakað við, at alsamt fleiri ung velja Føroyar frá, og í staðin velja at nema sær útbúgving uttanlands. 

Eisini kom hann inn á útbúgvingarmøguleikarnar í Føroyum og at vit eiga at gera nakað við at betra um útboðið av útbúgvingum og at passa tað til tørvin, sum føroyska samfelagið hevur tørv á.

Eitt annað, sum Beinir Johannesen kom inn á  í samrøvðuni var vinnupolitikkur og teir samstarvsmøguleikar, sum eru eftir eitt val, sum liggur í mesta lagi tvey ár frammi.

Hoyr innslagið, sum varð sent í tíðindunum á nátturða í kvøld: