Skuldsettur fyri dopingevni

- Vit kunnu ikki siga so nógv um ítøkiliga máli, men hetta er eitt dømi um, at fólk bíleggja sær ymiskt á netinum, sum tey so fáa sendandi heim, sigur vakthavandi á politistøðini í Havn.

- Í hesum føri er talan so um ein pakka við eini fløsku av olju, sum er flokkað sum dopingevni. Talan er um eina nøgd, svarandi til 60 dopingeindir.

Málið er viðgjørt eftir tí vanligu mannagongdini, so hald er lagt á sendingina, sum verður fyribeind, umframt at politiið setur seg í samband við móttakaran og skuldsetir hann fyri lógarbrotið.