Við Tórði á túri á Sanatoriinum í Hoydølum

Vakri dalurin Hoydalar, har Sanatoriið við øllum tuberklasjúku fólkunum goymir nógvar ymiskar lagnur og nógva sorg. Nógvar tuberklasjúklingar komu frískir út aftur, men aðrir løgdu árarnar inn her.

Higar komu tuberklasjúklingar úr øllum landinum fyri at fáa heilsubót, og tíbetur kláraðu nógv tað og komu út aftur til lívið. Men øll tey fyrstu árini var eingin heilivágur móti tuberklasjúkuni, og kláraðu ikki øll tað og drógu seinastu ferð andan her - nógv í bestu árum.

Í 2021 segði Tórður Mikkelsen serligu søguna um Sanatoriið í Hoydølum í tveimum pørtum, sum nú verða endursendir.

Við Tórði á túri, Dinna Petersen, Tórður Mikkelsen

Í fyrra partinum um Sanatoriið í Hoydølum verður eitt nú tosað við Dinnu Petersen, sum var 94 ár, tá samrøðan bleiv gjørd. Dinna, sum er ættað úr Fuglafirði og búsitandi á Glyvrum, hevði tuberklar og var leingi á Sanatoriinum. Dinna sigur í sendingini sera livandi frá tíðini á Sanatoriinum.

Dinna Petersen

>>Fylg Við Tórði á túri á Facebook og síggj fleiri myndir frá túrinum á Sanatoriinum í Hoydølum

Hóast Dinna var innløgd í Sanatoriinum í Hoydølum fimm ferðir og ferðaðist nógv til Havnar at verða pustað, so sigur hon sjálv, at hon hevur havt tað gott síðani hon gjørdist frísk og hevur havt ein góðan aldurdóm saman við sínum nærmastu.

Við Tóri á Túri, Katrin Dahl

Eisini verður tosað við Katrina Dahl, sjúkrasystir, sum ferðaðist kring landið við Magnussen, tuberklalækna, at koppseta allar føroyingar, og 84 ára gamla Símun Dalsgaard, sum vaks upp og hevur búð meginpartin av lívinum í Hoydølum, beint sunnanfyri Sanatoriið.

Við Tóri á Túri, Sanatoriið í Hoydølum

Dánjal Hoydal, sum var umsjónarmaður á Sanatoriinum, í heystavogni saman við børnum. Tey fyrstu árini var tað mesta flutt við heystavogni. Tjóðsavnið eitur myndina.

Erland Viberg Joensen, savnsvørður á Tjóðsavninum, greiðir frá forkunnuga sanatoriibygninginum. Hann heldur, at bæði umhvørvið og spennandi og dapra søgan gera Sanatoriið til nakað heilt serligt.

Við Tórði á túri, Dinna Petersen, Tórður Mikkelsen

Dinna Petersen við málningi av Sanatoriinum í Hoydølum, her hon brúkti nógva tíð sum ung. Maður hennara, Joen Jacob Petersen, vanliga nevndur Jakku á verkstaðnum, hevur málað (Mynd: Tórður Mikkelsen)

Fyrri partur av Við Tórði á túri í Sanitoriinum kann hoyrast á KVF Ljóð.