Samferðslan: Avlýsingar og broytingar

Fyri veður eru fleiri avlýsingar og broytingar á oyggja- og bygdaleiðunum.

Fyribils er eingin koyring á leiðunum 100, 233 og 444, 300 og 350, 500, og fleiri leiðir gevast at koyra nú fyrrapartin. 

Smyril siglir av Havnini í dag klokkan eitt, og so verður ikki siglt meira í dag. Fyri veður er heldur eingin sigling úr Hvannasund til Svínoyar og Fugloyar.

Nærri kunning um samferðsluna og tær ymsu leiðirnar sæst á heimasíðuni hjá Strandfaraskipum Landsins.