Seks tímar uttan streym

Seks tímar uttan streym
Nakað fyri klokkan hálvgum tvey í gjár fór streymurin í Kunoy og Kalsoy 
Fólk hjá Sev fóru út í Kalsoynna við tveimum aggregatum. 
 
25.11.2024 - 05:18

Kalsoyingar høvdu ongan streym í góðar seks tímar í gjár.

Streymurin kom aftur klokkan tjúgu minuttir í átta í gjárkvøldið.

Nakað fyri klokkan hálvgum tvey í gjár fór streymurin í Kunoy og Kalsoy. 

Tvær linjur slitnaðu í illveðrinum.

Sum veðrið var, bar ikki til at umvæla linjurnar.

Koblað var um, so streymurin var skjótt aftur í Kunoy.

Bar ikki til at kobla um

Men í Kalsoy ber ikki til at kobla um á sama hátt. 

Fólk hjá Sev fóru út í Kalsoynna við tveimum aggregatum. 

Annað fyri at fáa rampuna í ferjuleguni at virka, so lastbilarnir kundu sleppa í land.

Seinna aggregatið var síðani sett upp, so bygdirnar kundu fáa streym aftur. 

Og tað fingu tær kl. 19.39.

Hugt verður eftir slitnaðu linjunum so skjótt tað ber til, sigur SEV.

Er kopiera
Nýggjastu sendingar í ÚV
Nýggjastu sendingar í SV
Fríggjadag 25. juli
Veðrið
194969
Hósdag 24. juli
Motorarnir og maðurin
194948
Mikudag 23. juli
Dagur og vika - teknmálstulkað
194872
Týsdag 22. juli
Veðrið
194844