Staðfest niðurstøðu hjá valnevndini um kæru um valsvik

Býráðið í Runavík hevur staðfest niðurstøðuna hjá valnevndini um eina kæru um valsvik á kommunuvalinum 12. november.

Kæran snýr seg ítøkiliga um viðurskiftini kring varðveitslu av greiddum atkvøðum og hvørt svikað varð við einari atkvøðu fyri valevninum, ið varð ógildað í sambandi við fínteljingina. Atkvøðan varð greidd á valstaðnum í Oyndarfirði.

Niðurstøðan er, at valúrslitið eigur at vera standandi eins og kunngjørt var eftir fínteljingina.

Jonhard Danielsen kærdi býráðsvalið í Runavíkar kommunu.

Eftir fínteljingina høvdu hann og Jóhan Vest eins nógvar atkvøður.

So var lutakast, sum Jóhan Vest vann. 

Málið um ógildaðu atkvøðuna til Jonhard Danielsen í Oyndarfirði er meldað til politiið sum valsvik. 

Les meira her.