Maður koyrdi inn í mannamúgvu í Magdeburg: Minst tvey fólk deyð

Minst tvey fólk doyðu og 68 fingu skaða, tá ein maður í bili koyrdi inn í eina mannamúgvu í týska býnum, Magdeburg, skriva fleiri altjóða miðlar.

Týski miðilin, Bild, skrivar í morgun, at fýra fólk hava latið lív.

Hetta hendi stutt eftir nátturðatíð í gjár við eitt jólatorg í býnum.

Maðurin, sum koyrdi í einum svørtum BMW, varð handtikin á staðnum. Hann er úr Saudiarabia, men hevur varandi uppihaldsloyvi í Týsklandi, hagar hann kom í 2006. Løgreglan hevur framvegis einki sagt um, hvørt talan er um yvirgang ella ikki.

Felags minningargudstænasta verður í dómkirkjuni í Magdeburg í dag.