Trý fólk deyð í bussvanlukku í Norra

Trý fólk deyð í bussvanlukku í Norra
Trý fólk eru deyð í eini bussvannlukku í Norra og fýra fólk eru álvarsliga skadd
Bussurin fór av vegnum og endaði lutvíst í einum vatni.
Mynd: Marius Birkeland/NTB/Ritzau Scanpix  
 
26.12.2024 - 18:22

Vanlukkan hendi í Hadsel í Nordland, norðarlaga í Norra umleið klokkan hálvgum trý seinnapartin í dag okkara tíð.

Ein bussur við 58 fólkum fór av vegnum og endaði partvíst í einum vatni, so at ein partur av bussinum er undir vatni.

Norsku myndugleikarnir hava sagt, at í minsta lagi trý fólk eru deyð, og fleiri eru farin á sjúkrahús.

Onnur fólk, sum vóru í bussinum eru farin á ein skúla tætt við, har tey nú fáa hjálp. 

Talan er um ein ferðafólkabuss.

Nógvir útlendingar vóru í bussinum. Í minsta lagi fólk úr átta ymiskum londum, skrivar norskir miðlar.

 

Vindur og hált

Politiið veit ikki enn, hví bussurin fór av vegnum.

Har hevur tó verið nógvur vindur, tað hevur kavað illa og hált hevur verið á vegnum. 

Er kopiera
Nýggjastu sendingar í ÚV
Fríggjadag 14. mars
Morgunlestur fríggjadagur 14. mars 2025
188901
Hósdag 13. mars
RagnarRokk 13.mars 2024
187290
Nýggjastu sendingar í SV
Hósdag 13. mars
Always Outnumbered, Never Outgunned
189170
Mikudag 12. mars
Hondbóltur: Føroyar - Holland
189119
Mikudag 12. mars
Dagur og vika - teknmálstulkað
189087
Týsdag 11. mars
Veðrið
189035