Lova finningarløn fyri upplýsingar um forsetavalevni

Myndugleikarnir í suðuramerikanska landinum Venesuela fara langt fyri at fáa fatur í Edmundo González, sum stillaði upp ímóti forsetanum, Nicolas Maduro, á forsetavalinum í summar.

Politiið í Venesuela lovar 720.000 krónur í finningarløn fyri upplýsingar, ið kunnu leiða til González, sum eftir valið flýddi til Spania.

Tað skrivar enska avísin The Guardian.

Útlagni andstøðuleiðarin hevur annars boðað frá, at hann kemur aftur til Venesuela at verða tikin í eið sum forseti tann 10. januar, sjálvt um myndugleikarnir har siga, at hann tapti forsetavalið.