Seks kommunur hava lægri skattaprosent í ár

Seks kommunur hava lægri skattaprosent í ár enn í fjør, vísir yvirlit hjá Taks. 

Miðal kommunuskatturin er 20,02 prosent, tað sama sum í fjør. 

Í Sunda kommunu er skattaprosentið farið úr 20,95 niður 20,45.

Í Vestmanna er prosentið farið úr 21,15 niður í 20,90.

Í Vága kommunu er tað farið úr 21,50 niður í 21,25.

Í Húsavík er tað farið úr 21 niður í 20.

Í Hvalba er tað farið úr 20,40 niður í 19,95, og í Vági er skattaprosentið farið úr 21,10 niður í 20,90.

fugloy.jpg

Í Fugloy er skattaprosentið 16 (Savnsmynd)

Lægst og hægst

Lægsta skattaprosentið er 16. Tað er í Fugloy, Skúgvoy og í Fámjin.

Hægsta skattaprosent er 21,50. Tað er í Runavíkar kommunu

Í 11 kommunum er barnafrádrátturin hækkaður.

Størsti barnafrádráttur er 12.000 kr. Hann er í Fugloy.

Tann minsti er 5.100 kr. Hann er í Kvívík.