Eingin ætlan at gera undirsjóvarbreytir

Eingin ætlan at gera undirsjóvarbreytir
Í staðin er ætlanin at gera sjóvegis sambandið betri við nýggjum ferjum og betri ferðaætlanum, sigur Dennis Holm, landsstýrismaður
Í hesum árinum verður væntandi farið undir at smíða nýggja Kalsoyarferju.
Mynd: Visit Kalsoy  
 
16.01.2025 - 15:31

Ongar ítøkiligar ætlanir eru um at gera undirsjóvarbreytir, metro, til útoyggjarnar við verandi kostnaði og tøkni. Um tøkniliga menningin loyvir ti, eigur málið at verða tikið uppaftur.

Í staðin er ætlanin at gera sjóvegis sambandið betri við nýggjum ferjum og betri ferðaætlanum.

Tað sigur Dennis Holm, landsstýrismaður í samferðslumálum, í svari til skrivligan fyrispurning frá Elsebeth Mercedis Gunnleygsdóttur, løgtingskvinnu.

Vit hava ongar royndir ella siðvenju við undirsjóvarbreytum í Føroyum, og hava ikki av álvara arbeitt við málinum. Hvørki, tá undirsjóvartunlarnir vórðu gjørdir, ella nú Suðuroyartunnilin verður fyrireikaður, sigur Dennis Holm.

 

Elsebeth Mercedis Gunnleygsdóttur spurdi um undirsjóvarbreytir. (Mynd: Bjarni Árting Rubeksen)

 

Dennis Holm, landsstýrismaður í samferðslumálum.

 

Endurnýggja strandferðsluflotan

Landsstýrið hevur sett sær fyri at betra ferðasambandið til útoyggjarnar.

Strandferðsluflotin verður endurnýggjaður, og eftir ætlan verður farið undir at smíða nýggja Kalsoyarferju í ár.

Síðani er ætlanin at byggja ferju til Svínoyar- og Fugloyarleiðina.

Triðja ferjan verður helst Nólsoyarferjan.

Nýggju ferjurnar fara at lúka øll nýmótans krøv. Tað verður høgligari og betri at ferðast. Miðað verður eftir at sigla fleiri túrar, og fastbúgvandi eiga at verða raðfest fremst, sigur Dennis Holm í svarinum til Elsebeth Mercedis Gunnleygsdóttur.

Les meira her.

Er kopiera
Nýggjastu sendingar í ÚV
Hósdag 13. februar
RagnarRokk 13.februar 2025
186373
Hósdag 13. februar
Carl Berglund um Echoes
186371
Hósdag 13. februar
RagnarRokk: Jack Svendsen um III
186368
Hósdag 13. februar
Andarblak 13. februar 2025
187739
Nýggjastu sendingar í SV
Mikudag 12. februar
Merkja grind
187663
Týsdag 11. februar
Veðrið
187639
Týsdag 11. februar
Dagur og vika við 3-2 - teknmálstulkað
187616
Sunnudag 9. februar
Guðstænasta úr kirkjuni á Leiti
187534
Fríggjadag 7. februar
Veðrið
187497