Føroyskir ungdómar í ungdómstingi á fólkatingi

Tveir føroyskir ungdómar vera í ungdómstinginum í fólkatinginum mánadagin.

Eins og í fólkatinginum vera 179 ungdómar í ungdómstinginum.

Teirra millum eru tveir úr Føroyum og tveir úr Grønlandi.

60 lógaruppskot

Ungdómstingið skal viðgera 60 lógaruppskot, 58 úr Danmark, eitt úr Grønlandi og eitt úr Føroyum.

Ungdómstingið í fólkatinginum er annað hvørt ár.

Tað er fyri ung, sum eru í 8. ella 9.flokki. 

Samtykt uppskot latin ríkisstjórnini

Eins og í fólkatinginum vera lógaruppskotini viðgjørd í nevndum, og atkvøtt verður um tey.

Uppskotini, sum vera samtykt, vera latin ríkisstjórnini.

Uppskotini skulu vera um heilsu, flóttafólk, veðurlag, útbúgvin ella lógarbrot.