- Tíðindi, mentan og ítróttur
Listakvinnan: Glaspláturnar skulu aftur á tinghúsið
Listakvinnan: Glaspláturnar skulu aftur á tinghúsið
Hansina Iversen er ikki tikin upp á ráð, nú avgerð verður tikin um at finna aðra loysn at klæða umsitingarbygning hjá løgtinginum
Glaspláturnar vórðu tiknar niður og settar í kjallaran hjá Havnar Arbeiðarafelag, meðan betongið varð kannað.
Mynd: Bjarni Árting Rubeksen
07.02.2025 - 11:09
- Glaspláturnar skulu upp á tinghúsið aftur, tí tað er tað, tær eru gjørdar til.
Tað sigur listarkvinnan Hansina Iversen, sum ikki er tikin upp á ráð,hvat skal gerast, nú avgerð verður tikin um at finna aðra loysn.
Hansina Iversen.
Tað var beint fyri ólavsøku í 2023, at petti av einari plátu duttu niður á gongubreytina við Tinghúsvegin. Og í fjør summar datt ein pláta á hinari síðuni á bygninginum av klædninginum.
Allar glaspláturnar vórðu tiknar niður og settar í kjallaran hjá Havnar Arbeiðarafelag, meðan betongið varð kannað.
(Mynd: Bjarni Árting Rubeksen)
Úrslitið var, at betongið ikki orkaði at halda glasplátunum, og tí skuldi arbeiðast við eini aðrari loysn.
Tosað hevur verið um at klæða bygningin við øðrum tilfari, men tað verður neyvan nakað, sum fer at líkjast glasinum.
Hoyr innslag í íutvarpstíðindunum:
07022025_Hansina_og_glaplatur
Jonhard Klettheyggj, løgtingsstjóri, sigur, at endaliga støða ikki er tikin, um hvat skal gerast.
Løgtingið bíðar eftir, at Landsverk kemur við einum tilmæli, sum formansskapurin skal taka endaliga støðu til.
Er kopiera
Nýggjastu sendingar í ÚV
Nýggjastu sendingar í SV
