- Tíðindi, mentan og ítróttur
Treytaleysa fongsulsrevsing í eitt ár fyri at smugla hassj
Treytaleysa fongsulsrevsing í eitt ár fyri at smugla hassj
Útlendska kvinnan játtaði seg seka í Føroya rætti, og hon verður innkallað at sita dómin í Danmark
Kvinnan, sum kom við Norrønu í morgun, var í Føroya rætti dømd treytaleysa fongsulsrevsing í eitt ár. Kvinnan játtaði seg seka.
11.02.2025 - 16:00
Ein útlendsk kvinna í 50'árunum er í Føroya rætti í dag dømd fyri at hava smuglað átta kilo av hassji til Føroya.
Kvinnan kom til Føroya í ferðalagi við øðrum við Norrønu í morgun.
Tollarar fingu illgruna til kvinnuna og kannaðu viðførið hjá henni. Har hevði hon fjalt hassjið.
Kvinnan, sum býr í Danmark, var handtikin, skuldsett og seinni ákærd.
Hon játtaði seg seka. Hon var dømd treytaleysa fongsulsrevsing í 12 mánaðir.
Kvinnan er latin leys, og hon verður innkallað at sita dómin í Danmark, sigur Kári Jacobsen, leiðari á kanningardeildini hjá løgregluni.
Er kopiera
Nýggjastu sendingar í ÚV
Nýggjastu sendingar í SV
