Bødskov til USA at ávara um toll

Danski handils- og ídnaðarmálaráðharrin, Morten Bødskov, fer til USA at ávara um tollin, sum amerikanski forsetin, Donald Trump, hevur ætlanir um at seta í gildi fyri vørur úr Evropa.

USA er týdningarmesta landið, sum Danmark útflytur til, og boðini frá Trump hava, sambært Bødskov, elvt til óvissu.

- Vit skulu ikki gera samstarv okkara veikari. Vit mugu styrkja tað. Vit skulu styrkja bondini millum Danmark og USA. Donsk arbeiðspláss í túsundatali eru treytað av útflutningi til USA, sigur ráðharrin við tíðindastovuna Ritzau.

Á ferðini vitjar Bødskov eisini danskar fyritøkur og fer at umrøða handilspolitikk við limir í amerikonsku kongressini.