Gene Hackman deyður, og tað eru kona og hundur hansara eisini

Kendi amerikanski filmssjónleikarin Gene Hackman er funnin deyður í heimi sínum í Santa Fe County, 95 ára gamal.

95 ár er ein høgur aldur, so tað er einki undarligt í, at Gene Hackman nú er farin úr tíðini.

Men tað vekir undran, at kona Hackman, Betsy Arakawa, ið var 63 ár, eisini er funnin deyð í heiminum í Santa Fe.

Hetta skrivar DR við blaðnum Santa Fe New Mexican sum keldu. 

Gene Hackman

Mynd: Ritzau / Scanpix

Eingin illgruni um brotsgerð

Hóast umstøðurnar vekja undra, so er eingin illgruni um, at ein brotsgerð er framd, men deyðsorsøkin er heldur ikki upplýst. 

So skuldi ein trúð, at tað var tað, men tað er tað ikki, tí eisini hundurin hjá Hackman hjúnunum er funnin deyður í heiminum. 

Løgreglan kannar málið. 

Gene Hackman

Mynd: Ritzau / Scanpix

Gene Hackman er ein nógv heiðraður sjónleikari. Á sínari yrkisleið vann hann tveir Oscar fyri sínar leiklutir í "The French Connection" og í filminum "Unforgiven".

Gene Hackman og Betsy Arakawa blivu gift í 1991.