Eingi hagtøl fyri avlýsingar

- Upplýsingarnar eru har, men bara ikki í einum formi, so tað er lætt at brúka tær til nakað, sigur strandfarastjórin, Niels Juel Arge, við Vágaportalin.

- Tað er sjálvandi nakað, sum kann gerast betri, og tað fara vit at royna at gera, sigur hann.

Niels Juel Arge ásannar, at vegna vantandi hagtøl kunnu Strandfaraskip Landsins heldur ikki prógva ella mótprógva, um avlýsingarnar eru ov nógvar ella ikki.

- Hetta hava vit ikki raðfest, viðgongur hann og sigur, at tað er stórarbeiði hjá Strandfaraskipum Landsins at finna útav, hvussu nógvar avlýsingar eru á Bygda- og Oyggjaleiðum.