Fylg við hondbóltslandsdystinum her á heimasíðuni og í sjónvarpinum

Nýggja stórhøllin við Tjarnir bleiv fyrst og fremst bygd, so okkara dugnaligu hondbóltslandslið, ið standa seg so væl í altjóða kappingum, fingu virðiligar umstøður at spæla landsdystir í. 

Í kvøld klokkan 19 verður so fyrsti landsdysturin spældur við Tjarnir, tá manslandsliðið tekur móti sterka hollendska landsliðnum í EM-undankappingardysti. 

Dysturin er sostatt søguligur, og hann verður eisini dekkaður væl og virðiliga í Kringvarpinum. 

Her á heimasíðuni verður ein beinleiðis frásøgn, ein livebloggur, umframt at dysturin eisini verður stroymdur á heimasíðuni. 

Fólk kunnu eisini fylgja við í sjónvarpinum, ið vísir dystin beinleiðis. Byrjaðu verður at senda longu klokkan 18.30, tá hitað verður upp til dystin við einar undansending.