- Havi ikki upplivað falsan av føroyskum málningum

Listasøguliga hevur falsan av list verið til í meira enn tvey túsund ár. Bæði, tá talan er um gamlar grikskar standmyndir, málningar og listaverk sum heild. At kopiera hevur søguliga eisini verið ein partur av meistaralæruni hjá lærlingum, sum hava fingið frálæru frá stórum listamálarum.

Falsan hevur síðani vundið upp á seg við fíggjarligum vinningi fyri eyga. Uttanlands hevur hetta longi verið eitt kent fyribrigdi. So er spurningurin, um listamálarar í Føroyum eisini verða avritaðir, og um falskir málningar eru í umferð.

Ta fatanina hevur Kinna Poulsen, listaummælari, ikki:

- Tað er lutfalsliga lætt at avrita ein føroyskan listamálara, men eg kenni einki til óektaðar málningar í Føroyum.

Tó skulu fólk vera varin, tá tey keypa list á netinum. Tað ber til at fáa køn listafólk at staðfesta um málningar eru ektaðir ella ikki.

Hoyr alla samrøðuna við Kinnu her: