Semja gjørd við bretar um fiskirættindi í ár

Føroyar hava skrivað undir semju við Bretland um sínámillum fiskirættindi fyri 2025.

Føroyar fáa rættindi at fiska svartkalva, blálongu, hýsu og longu. Eisini er ein lítil NAFO-kvota av toski á Grand Bank uttan fyri Kanada, sum Bretland flytur Føroyum at fiska. 

Í føroyskum sjógvi fær Bretland rætt at fiska serliga hýsu og upsa, eins og at Bretland fær eina hjáveiðikvotu av toski í hýsufiskiskapinum. 

Orsakað av støðuni hjá fiskastovnunum, eru skerjingar í kvotunum á báðum síðum í ár, samanborið við undanfarna ár. 

Hóast semjan ikki er stór í vavi, so hevur avtalan týdning fyri tvíliðaðu viðurskiftini millum Føroyar og Bretland, skrivar Fiskivinnu- og samferðslumálaráðið.

Les meira her.