Sambandsflokkurin er í parti við samgonguni um telefonir í skúlanum

Sambandsflokkurin tekur ikki undir við uppskotinum til samtyktar hjá fólkafloksmanninum, Bárði á Lakjuni, um ikki at loyva fartelefon í fólkaskúlanum.

Magnus Rasmussen er við í meirilutanum hjá samgonguni í mentanarnevndini, sum mælir løgtinginum frá at samtykkja uppskotið.

Tey siga, at skúlar og skúlastýri í kunngerð hava fingið álagt at gera reglur, sum skulu tálma fartelefonnýtslu í skúlunum.

Bárður á Lakjuni heldur framvegis, at fartelefonin skal út úr skúlanum, í hvussu er fyribils. 

Rættast hevði verið, sigur hann, at roynt í eitt ella tvey ár at vita, hvat hendir.